Dorfladen Schonstett

Gedicht einer Kundin



Unser Dorflon

Wia schee, duad des do sei,

kost kaffa du, ums Eck, glei ei.

Wenn ma freindlich no, a „griaß di“ hert,

es duad do guad, wenn ma so begrüßt, no werd!

Ois wost brauchst, so im alltäglichen Lem,

duad`s bei uns, im Dorflon drin gem.

Ob Wurscht, ob Kas, an Soft, a Kisten Bier vor Ort,

olle wichtigen Sachan, de kriagst du dort.

Regionale Produkte, find ma do drin,

na hama Arbeitsplätze bei uns, des macht do an Sinn.

Ob Brezn oder Semme, scho ganz in da Früha,

da Weg do hi, braucht ned vui Zeit und macht wenig Müha.

Midn Radl eikaffa kinna, des is do schee,

oder gar amoi, z`Fuaß hi geh.

Es is a Treffpunkt, für Jung und für Oid

und ma s`Gaid, ned für lange Wege zoid.

Manches Kind, vor da Schui no schnai in Lon ei lafft,

und dabei scho rechnen leant, wenn´s sei Pause kafft.

Haiff ma do olle, zam,

dass ma unsern Dorflon, dahoitn dan.

Es war do ewig schod, 

wenn ma im Ort, nix zum Eikaffa hod.

A Dorf verliert ganz vui vo sein Charm,

ohne Gschäft, is a Gmoa, scho ganz schee arm.

A Jeder, kannt drogn, mid sein Gaid, dazua bei,

dass so a Kleinod, ko sei.

Text: Rosmarie Maier

Seit dem 11. Dezember 2020 dürfen wir Sie/Euch mit unserem ausgewählten Sortiment versorgen. Wir freuen uns sehr über die tolle Resonanz auf unseren gemeinsamen Dorfladen. Wir freuen uns über die Rückkehr kleiner und großer "Normalitäten", wie einen Ratsch mit einer Tasse  Kaffee oder Tee in unserer gemütlichen Café Ecke im Dorfladen oder im sonnigen Außenbereich.

Mia gfrein uns auf Eich!